Skoskur nuddari veitti leikmönnum Chelsea innblástur | Myndband

„Hann öskraði svo mikið á sinni skosku að ég skildi ekki orð af því sem hann sagði,“ sagði glaðbeittur Jose Mourinho, stjóri Chelsea, eftir sigur sinna manna á Manchester City í gær.

„Ég talaði ekki við strákana fyrir leik. Billy [McCulloch] nuddari gerði það,“ sagði Mourinho á blaðamannafundi eftir leik í gær en ummæli hans má sjá í spilaranum hér fyrir ofan.

„Mér er alvara. Ég skildi ekkert en leikmennirnir klöppuðu þannig að þeir voru klárir í slaginn,“ bætti hann við.

Þrumuræða nuddarans hefur greinilega virkað því Chelsea vann 1-0 útisigur á City í gær.