Farinn í meðferð eftir framhjáhaldsskandal

Dean McDermott, 47 ára, er kominn í meðferð að sögn blaðafulltrúa hans.

„Ég sé mjög eftir mistökunum sem ég hef gert og sársaukanum sem ég hef valdið. Ég tek ábyrgð á mínum gjörðum og hef skráð mig í meðferð til að takast á við líkamlega og andlega kvilla. Ég er þakklátur fyrir hjálpina sem ég fæ þannig að ég geti orðið eiginmaðurinn og faðirinn sem fjölskylda mín á skilið,“ stendur í tilkynningu frá Dean.

Dean komst í fréttirnar um jólin síðustu þegar upp komst að hann hefði haldið framhjá eiginkonu sinni, Tori Spelling, 40 ára, með konu að nafni Emily Goodhand, 28 ára, í Toronto í byrjun desember. Tori hefur ekki tjáð sig um málið en þau Dean eiga fjögur börn, Liam, sex ára, Stellu, fimm ára, Hattie, tveggja ára og Finn, sextán mánaða.