Lýður verður læknir í Laugarási

Lýður Árnason læknir hóf störf við heilsugæsluna í Laugarási þann 1. október. Lýður mun starfa við hlið Gylfa Haraldssonar og Péturs Skarphéðinssonar sem þar hafa starfað síðustu áratugi. Þetta kemur fram á vef Heilbrigðisstofnunar Suðurlands.

Gylfi og Pétur eru að minnka við sig í vinnu og munu skipta einni læknisstöðu sín á milli. Tvær læknisstöður eru við heilsugæsluna í Laugarási.

Lýður Árnason fæddist í Reykjavík 1962 og útskrifaðist sem stúdent úr Menntaskólanum við Sund árið 1982. Hann lauk námi frá Læknadeild HÍ 1990 og fékk réttindi sem heimilislæknir árið 1996. Eftir það starfaði Lýður mestmegnis sem læknir á Vestfjörðum, en einnig í Vestmannaeyjum og á höfuðborgarsvæðinu.

Eitt af aðaláhugamálum Lýðs er kvikmyndagerð og samhliða læknastarfinu hefur hann gert tvær leiknar sjónvarpsmyndir í fullri lengd ásamt nokkrum stutt- og heimildarmyndum.