Prinsarnir elska pítsur

Darren McGrady vann sem kokkur í Kensington-höll um árabil og fylgdist með uppvexti prinsanna Harry og Vilhjálms. Hann segir þá bræður vera mikla sælkera og sérstaklega sólgna í pítsur.

“Ég man einu sinni eftir því þegar ég kom inn í eldhúsið og ætlaði að elda kjúkling með brokkolí, káli og kartöflum í kvöldmat handa þeim. Þá var miði á eldhúsborðinu þar sem stóð að ég ætti að hætta við það og elda frekar pítsu handa strákunum. En miðinn var skrifaður af sjö ára barni!” segir Darren. Hann segir tilvonandi barn Vilhjálms og eiginkonu hans Kate Middleton aðeins fá ferskan barnamat frá fæðingu.

“Barnamatur frá Gerber eða Heinz mun ekki sjást í höllinni. Barnamaturinn verður allur ferskur.”

Dragðu Tarotspil dagsins hér.