Treystir ekki karlmönnum eftir kynlífsmyndbandið

Paris Hilton segist hafa misst alla trú á karlmönnum eftir að kynlífsmyndbandi hennar var lekið á netið af fyrrverandi kærastanum.

Hin 32 ára Hilton var aðeins 21 árs þegar þáverandi kærastinn, Rick Salomon, tók kynlífsathafnir þeirra upp á myndband og lak því á internetið þegar þau hættu saman. Myndbandið var síðar gefið út á DVD og kallað „1 Night in Paris“.

„Þetta er það versta sem ég hef á ævinni þurft að ganga í gegnum. Þetta var ekki einhver ókunnugur, þetta var kærastinn minn sem ég hafði verið með í nokkur ár og ég elskaði og treysti. Þetta var svo mikið brot á öllu,“ sagði Hilton við tímaritið Daily Mirror.

„Ég varð svo sár og sjokkeruð. Eftir þetta hef ég átt erfitt með að treysta fólki, sérstaklega karlmönnum. Þetta er það versta sem þú getur gert manneskju.“