Trendnet.is fagnar

Vefsíðan Trendnet.is fagnaði eins árs afmæli á dögunum og var skálað fyrir góðum móttökum á liðnu ári á Loftinu á föstudagskvöldið. Fullt var út úr dyrum af vel klæddum herramönnum og dömum sem skáluðu við tískubloggarana. Í tilefni afmælisins fékk vefsíðan sjálf andlitslyftingu og tveir nýjir bloggarar bættust í hópinn.  

Bloggarar síðunnar eru þau Elísabet Gunnarsdóttir, Helgi Ómarsson, Theodóra Mjöll, Ása Regins, Erna Hrund Hermannsdóttir, Svana Lovísa, Þórhildur Þorkelsdóttir, Andrea Röfn, Pattra Sriyanonge, Hildur Ragnarsdóttir og Karen Lind.

Trendnet.is sameinar nokkra af helstu lífstíls-, tísku- og hönnunarbloggum landsins undir einum hatti og því eitthvað fyrir alla fagurkera að lesa.

Trendnet.is og Vísir.is ætla að sameina krafta sína því innan tíðar verður hægt að lesa valdar færslur um tísku, lífstíl og hönnun af Trendnet inn á Vísi.

Smelltu á efstu mynd í frétt til að skoða albúmið.