Hvernig er kynlíf unga fólksins?

Tveir + sex hefur göngu sína á Popptíví næstkomandi fimmtudag. Sunneva Sverrisdóttir og Veigar Ölnir Gunnarsson stjórna þessum nýja, spennandi og fróðlegum þætti um kynlíf ungs fólks á Íslandi. Þættirnir eru upplýsandi og fróðlegir og koma til með að vekja umtal, án þess þó að fara yfir velsæmismörk. Kynfræðingurinn Sigga Dögg er krökkunum til halds og trausts, stjórnar umræðum og hvetur þau til að íhuga og prufa ýmislegt. Þáttastjórnendum er ekkert óviðkomandi þegar kemur að kynlífi, þau ræða málin og spyrja sérfræðinga álits um hin ýmsu málefni auk þess að reyna margt á eigin skinni. Hægt er að horfa á sýnishorn úr þættinum í spilaranum hér fyrir ofan og á sjónvarpssíðu Vísis.