Innlent

Lögreglumaðurinn lýsti sig saklausan

Jón Júlíus Karlsson skrifar
Lögreglumaðurinn er ákærður fyrir að hafa farið offari og ekki gætt lögmætra aðferða við handtöku á konu á þrítugsaldri.
Lögreglumaðurinn er ákærður fyrir að hafa farið offari og ekki gætt lögmætra aðferða við handtöku á konu á þrítugsaldri. Mynd/Vilhelm

Lögreglumaðurinn sem ákærður er fyrir líkamsárás og brot í starfi á Laugavegi í sumar lýsti sig saklausan af ákærunni við þingfestingu í Héraðsdómi Reykjavíkur í dag.

Maðurinn er ákærður fyrir að hafa farið offari og ekki gætt lögmætra aðferða við handtöku á konu á þrítugsaldri. Í ákæru kemur fram að hann hafi rykkt án fyrirvara í hægri handlegg konunnar þannig að hún féll með bakhlutann á bekkarm og þaðan í götuna.

Ákærði hafi síðan dregið hana stuttan spöl eftir götunni, sett vinstra hné á bak hennar, hægra hné á hnakka hennar og handjárnað hana án þess að aðstæður krefðust þess. Hann hafi auk þess sett konuna á magann með höfuðið á undan inn í lögreglubifreið, að því er segir í ákærunni.

Konan hlaut mar á hægri upphandlegg, mar á hægri mjaðmakamb, mar utanvert á hægra hné, bólgu á hægra augnloki og mar yfir hægra kinnbein. Ríkissaksóknari krefst þess að maðurinn verði dæmdur til refsingar og greiðslu alls sakarkostnaðar. Konan krefst 1,5 milljóna króna í skaða- og miskabætur.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.