Miley Cyrus: Umdeild en með ótvíræða hæfileika - fjórar hljómsveitir flytja We Can't Stop

Lagið We Can't Stop í flutningi Miley Cyrus hefur farið sigurför um heiminn.

Þrátt fyrir að söngkonan sjálf sé umdeild eru tónlistarhæfileikar hennar ótvíræðir.

Fjöldi tónlistarmanna hefur sett lagið í sinn búning og rúmlega 200 milljónir hafa séð myndband Miley við upprunalega lagið.

Þá hefur lagið vakið mikla athygli fyrir textann. Margir vilja meina að Miley Cyrus vísi í eiturlyfið MDMA, sem oft er kallað Molly. Söngkonan unga þverneitar fyrir það og segir textann vera „Dancing with Miley,“ en ekki „Dancing with Molly.“ 

Enn fremur halda því ýmsir fram að Cyrus tali einnig um línur af kókaíni í laginu. „And everyone in line in the bathroom, trying to get a line in the bathroom,“ - en Cyrus segir þetta vísa í biðraðir á klósettum, frekar en eiturlyf.

Sjálf hefur Cyrus verið dugleg að láta sjá sig á skemmtistöðum og börum víða, í misjöfnu ástandi. Þetta hefur verið til að ýta undir orðróma þess efnis að Miley misnoti eiturlyf.

En hér að neðan má sjá fjórar ólíkar hljómsveitir með eigin útgáfur af laginu sívinsæla, We Can't Stop.





Hljómsveitin Neon Hitch gerði reggae-útgáfu af laginu:

Logan Lynn gerði rokk-útgáfu af laginu:

Scott Bradlee & Postmodern Jukebox gerðu doo-wop útgáfu af laginu:

Og síðast en ekki síst, útgáfa bresku hljómsveitarinnar Bastille, sem blandar saman laginu We Can't Stop við lag Billy Ray Cyrus, föður Miley, Achy Breaky Heart.