Í boxi og ballet

Ofurfyrirsætan Doutzen Kroes æfir ballet til að koma sér í form fyrir tískupallana og fer reglulega til kennarans sem hjálpaði leikkonunni Natalie Portman fyrir hlutverk sitt í kvikmyndinni Black Swan.

“Ég æfi þrisvar til fjórum sinnum í viku. Ég boxa á líkamsræktarstöð í New York og æfi ballet með Mary Helen Bowers sem hjálpaði Natalie Portman að komast í form fyrir Black Swan,” segir Doutzen.

“Þetta eru erfiðar æfingar því þær einblína á sérstök svæði líkamans. Ég er aum í vöðvum sem ég vissi ekki að væru til eftir æfingar með Mary þannig að þetta virkar og mér finnst þetta gaman,” bætir ofurfyrirsætan við.

Dragðu Tarotspil dagsins hér.