Ferðalangarnir fimm allir komnir af sjúkrahúsi

Ferðalangarnir fimm, fjórir útlendingar og einn íslenskur fararstjóri og bílstjóri, sem var bjargað af þaki jeppa úti í miðri á í Landmannalaugum snemma í gærkvöldi og fluttir til Reykjavíkur, voru allir útskrifaðir af Landspítalanum í gærkvöldi, að aðhlynningu lokinni.

Þeir voru sumir orðnir nokkuð kaldir, einkum ökumaðurinn. Sigmaður úr þyrlu Gæslunnar seig niður á þak bílsins og kom lykkju á einn af öðrum, sem þyrlan flutti jafn harðan í land, og síðan lenti hún og tók allan hópinn um borð.

Vel búinn fjallajeppinn var skilinn eftir í hálfu kafi, og liggur ekki fyrir hvort björgunarsveitarmenn muni reyna að ná honum upp í dag.