Án hans væri ég ekki konan sem ég er í dag

Söngkonan Beyonce er afar opinská í viðtali við sjónvarpskonuna Opruh í nýju viðtali. Hún er sérstaklega meyr er hún talar um eiginmann sinn, tónlistarmanninn Jay-Z.

"Ég væri ekki konan sem ég er ef ég kæmi ekki heim til hans. Hann hefur hjálpað mér á svo mörgum sviðum," segir Beyonce, nánast með tárin í augunum. Þrátt fyrir það var þetta ekki ást við fyrstu sýn.

"Við vorum vinir í eitt og hálft ár áður en við fórum á stefnumót. Við töluðum saman í síma í þetta eina og hálfa ár og sá grunnur er svo mikilvægur fyrir samband. Það er svo mikilvægt að vera með einhverjum sem þér líkar við og að sá einstaklingur sé hreinskilinn."

Beyonce deilir fleiri persónulegum upplýsingum í heimildarmyndinni Life Is But a Dream sem fjallar um líf hennar og er sýnd á HBO í kvöld.

Þú gætir unnið - vertu með okkur á Facebook.