Ráðist á Rihönnu

Söngkonan Rihanna lenti í kröppum dansi er hún fór út á lífið með fyrirsætunni Cara Delvingne um helgina. Aðdáandi hennar henti flösku í hana og öskraði ókvæðisorð að henni vegna sambands hennar og Chris Brown.

Rihanna var að skemmta sér á næturklúbbnum The Box í London og fékk skurð á annað hnéð eftir flöskuárásina. Skurðurinn var það alvarlegur að hún þurfti strax að komast undir læknishendur.

Rihanna var í London til að sækja tískuvikuna í borginni þar sem hún kynnti fatalínu sína fyrir River Island. Gagnrýnendur eru mjög ánægðir með línuna og Rihanna fagnaði því með því að lyfta sér upp með fyrrnefndri Cöru og bestu vinkonu sinni Melissu Forde.

Þú gætir unnið - vertu með okkur á Facebook.