Í dag er sjö, níu, þrettán

Í dag er 7. september sem er kannski neitt sérstaklega merkilegt nema fyrir þær sakir að árið er 2013. Það gerir dagsetninguna: 7.9.13 sem af mörgum eru taldar happatölur.

En hvað er svona merkilegt við þessar tölur? Og afhverju telur fólk þær upp þegar bankað er í við? Á Vísindavef Háskóla Íslands segir að tilheyri þjóðtrúnni. Í rauninni sé talan þrír einhver mesta happatala sem sögur fara af og því ætti hún vel heima í talnaþulunni. En tölurnar eru þrjár og þrisvar sinnum þrír eru níu svo að sú tala þykir enn magnaðari en talan þrír eins og sér.

Talan sjö hefur einnig lengi verið talin sérstök heillatala. Hún er samansett úr tölunni þrír annars vegar, sem er tala heilagrar þrenningar, tákni himinsins og tölunni fjórum, sú tala myndar ferninginn sem er tákn jarðarinnar. Saman mynda þær tölu alheimsins, himins og jarðar, töluna sjö.

Talan níu er almennt álitin heilltala og kemur víð við í sögu í þjóðtrú. Einnig er veigamikið atriði að meðgöngutími barna er níu mánuðir. Auk þess hefur talan níu stærðfræðilega sérstöðu, það er sama með hvaða tölu hún er margfölduð, þversumma útkomunnar eða þversumman af þversummunni,

Töluna þrettán þekkja flestir sem sem óheillatölu. Sú trú að þessi tala sé sérstök, annað hvort hættuleg eða heilög, er talin mjög gömul. Hugsanlega má rekja ótrúna á töluna þrettán allt aftur til Súmera. Þeir bættu við þrettánda mánuðinum sjötta hvert ár. Talan var sérstök aukatala til að leiðrétta þá skekkju sem varð þegar gengið var út frá grunneiningum í sextugakerfinu.