Suarez og Evra hittast á ný Óskar Ófeigur Jónsson skrifar 11. febrúar 2012 09:00 Fyrir 119 dögum. Patrice Evra og Luis Suárez í leik Manchester United og Liverpool á Anfield í október.afp Þeir gerast ekki stærri leikirnir í enska boltanum en leikir Manchester United og Liverpool, tveggja sigursælustu félaganna í sögu enskrar knattspyrnu. Fyrri tvær viðureignir liðanna í vetur hafa aðeins ýtt undir spennuna og eftirvæntinguna fyrir leikinn á Old Trafford í dag, ekki síst vegna málsins sem kom upp í deildarleik liðanna á Anfield í októbermánuði. Patrice Evra, bakvörður Manchester United, sakaði Luis Suárez, framherja Liverpool, um kynþáttaníð eftir leikinn og Úrúgvæmaðurinn var síðan dæmdur í átta leikja bann af enska knattspyrnusambandinu. Málið fór strax hátt í öllum fjölmiðlum og hefur ekki þagnað síðan. Í raun má segja að menn hafi í raun beðið eftir því í 119 daga að þeir Suárez og Evra hittust á ný og í dag er komið að því. Sir Alex Ferguson, stjóri Manchester United, og Kenny Dalglish, stjóri Liverpool, hafa undanfarna fjóra mánuði þurft að svara óteljandi spurningum um mál þeirra Suárez og Evra. „Allir þeir sem koma að þessum leik með einum eða öðrum hætti, þar á meðal fjölmiðlar, stuðningsmenn og liðin sjálf, bera þá ábyrgð að þessa leiks verði aðeins minnst fyrir frábæran fótbolta en ekki einhvers annars," sagði Kenny Dalglish og bætti við: „Ég veit að allir vilja tala um Luis Suárez en hann er búinn að taka út sitt bann og er kominn aftur til baka. Það er kominn tími til að við komumst yfir þetta mál og höldum áfram," sagði Dalglish. „Við ætlum bara að halda áfram að sinna okkar starfi. Við höfum haldið okkar virðingu í gegnum allt þetta mál og ætlum bara að einbeita okkur að leiknum. Liverpool-menn hafa tjáð sig mikið um málið, en við höfum haldið okkur til hlés og það er að mínu mati rétta leiðin í svona málum," sagði Sir Alex Ferguson. Flestir knattspyrnuáhugamenn munu þó örugglega bíða spenntastir eftir því hvort þeir Luis Suárez og Patrice Evra heilsist fyrir leik og hvernig barátta þeirra á vellinum eigi eftir að þróast. Það er líka spurning hvort fleiri hljóðnemar eða fleiri myndavélar verði á vellinum fari svo að það sjóði aftur upp á milli þeirra. Eitt er nokkuð öruggt að Suárez mun draga sig út til hægri og sækja ítrekað á Patrice Evra því annars væri hann ekki að spila sinn leik. „Ég hef talað við Luis og ég veit að hann mun taka í höndina á Patrice Evra og öðrum leikmönnum Manchester United fyrir leikinn," sagði Dalglish og Ferguson hefur ekki miklar áhyggjur af einu mest umtalaða handabandi í langan tíma. „Ég hef ekki einu sinni hugsað um það og það er ekkert til umræðu og hefur aldrei verið til umfjöllunar innan okkar raða. Við erum bara að einbeita okkur að þessum fótboltaleik," sagði Sir Alex Ferguson. Manchester United hefur unnið 7 af 8 síðustu leikjum sínum í deild og bikar á móti Liverpool á Old Trafford og fær hér kjörið tækifæri til að hefna fyrir bikartapið á Anfield í síðasta mánuði. Það má líka búast við því að annað liðið fagni sigri í dag því jafntefli liðanna í október var aðeins annað af tveimur jafnteflum liðanna í síðustu 23 deildarleikjum. Leikur Manchester United og Liverpool hefst klukkan 12.45 í dag. Luis Suárez og Patrice Evra eru bara tveir af 22 frábærum fótboltamönnum á vellinum og allir þeirra vita fátt verra en að tapa á móti erkifjendunum. Það verður því barist fyrir hverjum bolta í 90 mínútur á Old Trafford. Stigin þrjú eru líka liðunum afar mikilvæg, United á í titilbaráttu við City og Liverpool-menn lifa enn í voninni um sæti í Meistaradeildinni. Sigur í þessum leik væri stórt skref í átt að því að ná þeim markmiðum. Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Klökkur Jóhann Berg beygði af í viðtali Enski boltinn Ótrúlegir yfirburðir tryggðu tíunda bikarmeistaratitilinn Fótbolti Lowry hástökkvari dagsins og blandar sér í baráttuna Golf Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti Stutt gaman hjá Birki er Brescia missti af sæti í efstu deild Fótbolti Koddaslagur sjónvarpsstjörnu endaði með ósköpum Sport Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Fleiri fréttir Hayes kvaddi Chelsea með fimmta titlinum í röð og Dagný komin í hóp De Zerbi hættir hjá Brighton Foden valinn bestur á Englandi Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Jóhann Berg fer frá Burnley í sumar Meiðslapésarnir fara frá Liverpool Slot staðfestir að hann taki við Liverpool Vill komast hjá því að afhenda City bikarinn Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Félagaskiptaglugganum lokað fyrr en vanalega í sumar Stjóri Spurs ósáttur við viðhorfið: „Þetta er utan félagsins, innan þess, alls staðar“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Varamarkmaðurinn og Håland hetjurnar: Man City á toppinn fyrir lokaumferðina Sjá meira
Þeir gerast ekki stærri leikirnir í enska boltanum en leikir Manchester United og Liverpool, tveggja sigursælustu félaganna í sögu enskrar knattspyrnu. Fyrri tvær viðureignir liðanna í vetur hafa aðeins ýtt undir spennuna og eftirvæntinguna fyrir leikinn á Old Trafford í dag, ekki síst vegna málsins sem kom upp í deildarleik liðanna á Anfield í októbermánuði. Patrice Evra, bakvörður Manchester United, sakaði Luis Suárez, framherja Liverpool, um kynþáttaníð eftir leikinn og Úrúgvæmaðurinn var síðan dæmdur í átta leikja bann af enska knattspyrnusambandinu. Málið fór strax hátt í öllum fjölmiðlum og hefur ekki þagnað síðan. Í raun má segja að menn hafi í raun beðið eftir því í 119 daga að þeir Suárez og Evra hittust á ný og í dag er komið að því. Sir Alex Ferguson, stjóri Manchester United, og Kenny Dalglish, stjóri Liverpool, hafa undanfarna fjóra mánuði þurft að svara óteljandi spurningum um mál þeirra Suárez og Evra. „Allir þeir sem koma að þessum leik með einum eða öðrum hætti, þar á meðal fjölmiðlar, stuðningsmenn og liðin sjálf, bera þá ábyrgð að þessa leiks verði aðeins minnst fyrir frábæran fótbolta en ekki einhvers annars," sagði Kenny Dalglish og bætti við: „Ég veit að allir vilja tala um Luis Suárez en hann er búinn að taka út sitt bann og er kominn aftur til baka. Það er kominn tími til að við komumst yfir þetta mál og höldum áfram," sagði Dalglish. „Við ætlum bara að halda áfram að sinna okkar starfi. Við höfum haldið okkar virðingu í gegnum allt þetta mál og ætlum bara að einbeita okkur að leiknum. Liverpool-menn hafa tjáð sig mikið um málið, en við höfum haldið okkur til hlés og það er að mínu mati rétta leiðin í svona málum," sagði Sir Alex Ferguson. Flestir knattspyrnuáhugamenn munu þó örugglega bíða spenntastir eftir því hvort þeir Luis Suárez og Patrice Evra heilsist fyrir leik og hvernig barátta þeirra á vellinum eigi eftir að þróast. Það er líka spurning hvort fleiri hljóðnemar eða fleiri myndavélar verði á vellinum fari svo að það sjóði aftur upp á milli þeirra. Eitt er nokkuð öruggt að Suárez mun draga sig út til hægri og sækja ítrekað á Patrice Evra því annars væri hann ekki að spila sinn leik. „Ég hef talað við Luis og ég veit að hann mun taka í höndina á Patrice Evra og öðrum leikmönnum Manchester United fyrir leikinn," sagði Dalglish og Ferguson hefur ekki miklar áhyggjur af einu mest umtalaða handabandi í langan tíma. „Ég hef ekki einu sinni hugsað um það og það er ekkert til umræðu og hefur aldrei verið til umfjöllunar innan okkar raða. Við erum bara að einbeita okkur að þessum fótboltaleik," sagði Sir Alex Ferguson. Manchester United hefur unnið 7 af 8 síðustu leikjum sínum í deild og bikar á móti Liverpool á Old Trafford og fær hér kjörið tækifæri til að hefna fyrir bikartapið á Anfield í síðasta mánuði. Það má líka búast við því að annað liðið fagni sigri í dag því jafntefli liðanna í október var aðeins annað af tveimur jafnteflum liðanna í síðustu 23 deildarleikjum. Leikur Manchester United og Liverpool hefst klukkan 12.45 í dag. Luis Suárez og Patrice Evra eru bara tveir af 22 frábærum fótboltamönnum á vellinum og allir þeirra vita fátt verra en að tapa á móti erkifjendunum. Það verður því barist fyrir hverjum bolta í 90 mínútur á Old Trafford. Stigin þrjú eru líka liðunum afar mikilvæg, United á í titilbaráttu við City og Liverpool-menn lifa enn í voninni um sæti í Meistaradeildinni. Sigur í þessum leik væri stórt skref í átt að því að ná þeim markmiðum.
Mest lesið Var spáð falli en eru á leið í Meistaradeildina Fótbolti „Eins og að spila við landslið Þýskalands nasismans“ Sport Verstappen á ráspól og jafnaði 35 ára gamalt met Formúla 1 Klökkur Jóhann Berg beygði af í viðtali Enski boltinn Ótrúlegir yfirburðir tryggðu tíunda bikarmeistaratitilinn Fótbolti Lowry hástökkvari dagsins og blandar sér í baráttuna Golf Uppgjörið,viðtöl og myndir: Valur - Olympiacos 30-26 | Einum leik frá Evróputitli Handbolti Stutt gaman hjá Birki er Brescia missti af sæti í efstu deild Fótbolti Koddaslagur sjónvarpsstjörnu endaði með ósköpum Sport Reykti tvo pakka, át fjögur súkkulaðistykki og drakk tvær kókdósir á fyrsta hringnum Golf Fleiri fréttir Hayes kvaddi Chelsea með fimmta titlinum í röð og Dagný komin í hóp De Zerbi hættir hjá Brighton Foden valinn bestur á Englandi Arteta vonast eftir hjálp frá Moyes: „Vonandi gerist eitthvað dásamlegt“ Klökkur Jóhann Berg beygði af í viðtali Jóhann Berg fer frá Burnley í sumar Meiðslapésarnir fara frá Liverpool Slot staðfestir að hann taki við Liverpool Vill komast hjá því að afhenda City bikarinn Klopp enn fúll út í Maddison eftir að Liverpool missti af titlinum 2019 Leeds í úrslit um sæti í ensku úrvalsdeildinni Tímabilið búið hjá Ederson og City treystir á Ortega í síðustu tveimur leikjunum Chelsea sló spjaldametið í deildinni Hjólaði frá Mongólíu og grét af gleði þegar hann hitti hetjuna Umboðsmaður Olise dæmdur í sex mánaða bann Rashford reiður og reifst við áhorfanda fyrir leik Man. United sagði konunum ekki frá ákvörðuninni Rooney segir United losa sig við nær allan leikmannahópinn Gerir sér grein fyrir erfiðu tímabili: „Þið eruð bestu stuðningsmenn í heimi“ United lyfti sér upp að hlið Newcastle Evrópudraumurinn lifir góðu lífi eftir fjórða sigurinn í röð Everton boðið neyðarlán til að klára nýja heimavöllinn Félagaskiptaglugganum lokað fyrr en vanalega í sumar Stjóri Spurs ósáttur við viðhorfið: „Þetta er utan félagsins, innan þess, alls staðar“ Segir að Ortega hafi unnið titilinn fyrir City Ten Hag vísar gagnrýni Rooneys til föðurhúsanna United íhugar að ráða stjóra Ipswich sem eftirmann Ten Hags Telja að Bruno verði áfram á Old Trafford Sagði sína menn hafa þurft að þjást og hrósaði varamarkverðinum Varamarkmaðurinn og Håland hetjurnar: Man City á toppinn fyrir lokaumferðina Sjá meira