Hrönn dæmir í Gautaborg

Hrönn Marinósdóttur, stjórnanda Alþjóðlegrar kvikmyndahátíðar í Reykjavík - RIFF, hefur verið boðið að taka sæti í aðaldómnefnd kvikmyndahátíðarinnar í Gautaborg, sem fram fer dagana 27. janúar til 6. febrúar.

Gautaborgarhátíðin er ein stærsta kvikmyndahátíð Norðurlanda og er því um mikinn heiður að ræða fyrir Hrönn. Hún tekur sæti í dómnefnd sem veitir aðalverðlaun hátíðarinnar, „Dragon Awards" eða Drekann sem er veittur fyrir bestu kvikmynd Norðurlanda.

Tvær íslenskar myndir hafa hampað Drekanum, eða Nói albinói og Voksne Mennesker, báðar eftir Dag Kára. -fb