Á stefnumót með óþekktum manni

Söngkonan Katy Perry sást á dögunum á stefnumóti með óþekktum manni í Los Angeles en samkvæmt fjölmiðlum vestanhafs daðraði Perry ófeimin við kappann fyrir framan ljósmyndara.

Þetta er í fyrsta sinn sem Perry sést á stefnumóti síðan skilnaðurinn við leikarann Russel Brand varð opinber í lok síðasta árs. Perry og Brand voru gift í 95 daga en ástæða skilnaðarins ku vera sá að söngkonan vildi frekar einbeita sér að starfsframanum en eignast börn.

Brand virðist vera búinn að jafna sig eftir skilnaðinn en hann var meðal annars orðaður við leikkonuna Zooey Deschanel í byrjun árs en er víst núna í tygjum við myndlistarkonuna Oriela Medellin.