Hartwell með Boner

Ókeypis tónleikar verða haldnir með bandarísku tónlistarmönnunum Jason Boner og Roland Hartwell á Gauknum í kvöld. Boner kemur fram undir nafninu The Dharma Body. Hann spilar tilraunakennda órafmagnaða tónlist sem er bæði epísk og einföld.

Roland Hartwell, eða Cynic Guru, blandar saman ýmsum tónlistarstílum með hljómsveit sinni. Cynic Guru hefur gefið út tvær plötur, Iceland og Cynic Guru, og er þessa dagana að vinna að þeirri þriðju. Gaukurinn opnar klukkan 21 og er 20 ára aldurstakmark.