Portúgalar í undanúrslit EM í fjórða sinn - myndir

Cristiano Ronaldo tryggði Portúgal í kvöld sæti í undanúrslitum Evrópumótsins þegar hann skoraði eina markið í leik liðsins á móti Tékklandi í átta liða úrslitum Evrópumótsins í Póllandi og Úkraínu.

Þetta er í fjórða sinn sem portúgalska landsliðið kemst alla leið í undanúrslitin á EM en þeir komust einnig svona langt árin 1984, 2000 og 2004. Portúgalar töpuðu í undanúrslitaleikjunum 1984 og 2000 en fóru alla leiðin í úrslitaleikinn fyrir átta árum.

Ljósmyndarar AFP-fréttastofunnar voru að sjálfsögðu mættir með myndavélar sínar á leikinn í Varsjá í kvöld og við höfum tekið saman myndasyrpu frá atburðum kvöldsins. Myndirnar má sjá í albúminu hér að neðan. Hægt er að sjá myndirnar stærri með því að smella á þær.