Giftu sig í laumi

Kings of Leon-rokkarinn Jared Followill gekk að eiga fyrirsætuna Mörthu Patterson um helgina við litla athöfn í Charlotte í Tennessee.

Í veislunni var boðið upp á stórglæsilega flugeldasýningu og fimm hæða jarðarberjaköku sem rann ljúflega niður hjá viðstöddum. Þá fengu gestir líka úrval af kokteilum sem voru ekki síðri.

Til að poppa þetta aðeins upp sendu Jared og Martha alla heim með fulla krukku af nýbökuðum súkkulaðibitakökum. En sætt!

Lífið óskar þessu fallega pari innilega til hamingju.