Halleluwah gefa út nýtt myndband

Næstkomandi miðvikudag/fimmmtudag mun tvíeykið Halleluwah gefa út myndband við lag sitt "K2R", sem gefið var út í netútgáfu fyrir örfáum vikum.

Hægt er að hlusta á lagið hér:

https://soundcloud.com/halleluwah/k2r-master02



Myndbandinu er leikstýrt af hinum sænska Måns Nyman, en hann hefur m.a. gert myndbönd fyrir nokkra af þekktari listamönnum Svía eins og Rebeccu og Fionu, Markus Price o.fl.

https://vimeo.com/mansnyman

Báðir meðlimir Halleluwah hafa um langt skeið verið búsettir í Svíþjóð. Svo langt gekk þetta að annar meðlima Halleluwah fékk viðurnefnið "Íslandshesturinn".

Hann hefur gengið undir því nafni síðan. Það var einmitt á því tímabili, sem Måns Nyman kynntist strákunum í Halleluwah við tökur á myndinni "Pyramiden" um lögreglumanninn knáa Wallander, þar sem annar af tvíeykinu hafði fengið aukahlutverk sem lík.

Myndbandið við "K2R" var að öllu leyti tekið í Stokkhólmi, þar sem borgarmyndin spilar stórt hlutverk. "K2R verður gefið út á tíu tommu vínyl (ásamt cd) 8.okt næstkomandi. Á b-hliðinni verður að finna lagið "Whiplashes".