Pistorius og félagar fá að keppa í kvöld

Boðhlaupssveit Suður-Afríku í 4x400 m hlaupi karla fær að taka þátt í úrslitum greinarinnar á Ólympíuleikunum í kvöld, þrátt fyrir að hafa ekki komist í gegnum undanrásirnar í gær.

Ofentse Mogawane datt í hlaupinu eftir árekstur við Vincent Kiilu frá Keníu. Eftir áfrýjun frá suður-afríska keppnisliðinu var sveit Keníu dæmd úr leik og Suður-Afríku gefið sæti í úrslitahlaupinu.

Alls verða því níu sveitir í úrslitunum í kvöld og á því Pistorius enn möguleika á að vinna til verðlauna á leikunum.

Pistorius er fyrsti fatlaði íþróttamaðurinn sem keppir á Ólympíuleikunum en sveit Suður-Afríku er talin líkleg til afreka í kvöld enda vann hún til silfurverðlauna á HM í fyrra.

Mogawane mun þó ekki keppa í kvöld þar sem hann meiddist á öxl við fallið í gær og mun LJ van Zyl keppa í hans stað.