Newcastle áfram á sigurbraut | Stórsigur hjá Everton

Newcastle og Everton unnu í dag góða heimasigra í ensku úrvalsdeildinni. Newcastle vann 2-0 sigur á liði Bolton á meðan Everton gjörsigraði Sunderland, 4-0.

Newcastle er búið að vera á mikilli siglingu að undanförnu og er nú jafnt á stigum við Tottenham, en þessi lið eru í mikilli baráttu um laust sæti í meistaradeildinni að ári.

Hatem Ben Arfa kom sínum mönnum yfir á 73.mínútu, með stórglæsilegu marki. Það virðist ekkert lát ætla að verða á velgengni Papiss Cisse í liði Newcastle, en hann skoraði sitt tíunda mark í níunda leik sínum fyrir félagið og tryggði sínum mönnum stigin þrjú.

Everton hefur einnig verið á siglingu að undanförnu og héldu þeir upptæknum hætti með 4-0, stórsigri á Sunderland, á heimavelli sínum, Goodison Park.

Leikmenn Everton skiptu mörkunum bróðurlega á milli sín en Magaye Gueye, Stefan Pienaar, Leon Osman og Victor Anichebe settu allir mark í leiknum.

Everton situr áfram í sjöunda sæti deildarinnar með 47 stig. Gífurlega hörð fallbarátta bíður hinsvegar Bolton. Liðið er nú einungis einu stigi frá fallsæti og er því virkilega spennandi lokasprettur framundan hjá liðinu.