Launsonur Schwarzenegger

Fátt var um svör hjá Arnold Schwarzenegger þegar blaðamenn Los Angeles Times spurðu hann út í barnið sem ein af þernum hans og eiginkonu hans Mariu Shriver, Mildred Baena, 50 ára, eignaðist fyrir tæpum fjórtán árum.

Tortímandinn sem hefur gert mikið úr ímynd sinni sem fjölskyldumaður, var afhjúpaður en hann eignaðist drenginn utan hjónabands og þegar eiginkona hans komst að því tilkynnti hún manni sínum að hún hefði engan áhuga á hjónabandinu lengur, þau væru skilin.

Maria Shriver flutti út af heimilinu fyrr á þessu ári en samkvæmt bandarískum fjölmiðlum féllst hún á að bíða með yfirlýsingu um hjónaskilnaðinn þar til ríkisstjóraferli Schwarzenegger væri lokið.

Í meðfylgjandi myndaalbúmimá sjá drenginn og móður hans, þernuna Mildred Baena sem var með rúmar 138 þúsund íslenskar krónur í mánaðarlaun á meðan hún starfaði hjá hjónunum.