Kronkron og Kalda í Köben

Tískuvikan í Kaupmannahöfn er nú að renna sitt skeið á enda. Sölusýningin CPH Vision er hluti af tískuvikunni og hefur íslensk hönnun vakið mikla athygli þar að þessu sinni.

Kaupendur á vegum frönsku verslunarinnar Collette sýndu hönnun Sonju Bent mikinn áhuga og skó- og fatalína Kron By Kronkron hefur vakið mikla athygli. Systurnar Rebekka og Katrín Alda Rafnsdætur voru og afskaplega ánægðar með athyglina sem hönnun þeirra hefur fengið í Kaupmannahöfn.

Ný lína frá merki þeirra Köldu, sem ber heitið Rjúfland, fékk góðar undirtektir og má búast við tíðindum af landvinningum þeirra fyrr en síðar. - sm