Hittust á netinu og mæltu sér mót á Íslandi

Klassískt menntaði píanóleikarinn Vika Yermoleva og trommarinn Brian Viglione úr hljómsveitinni The Dresden Dolls leiða saman hesta sína á Sódómu á laugardagskvöld.

Þau komust í samband á netinu og ákváðu að mætast miðja vega milli heimalanda sinna tveggja. Þess vegna koma þau fram í fyrsta skipti hér á landi. Á efnisskránni er klassískur metall eftir þungarokkssveitir eins og Slayer, Pantera og Metallica, auk nýrra efnis.

Hljómsveitin Mammút byrjar kvöldið og spilar efni af væntanlegri plötu sinni. Það kostar 1000 krónur inn. Húsið opnar klukkan 22 og tónleikarnir hefjast klukkan 23.

Í meðfylgjandi myndbandi sjá Vika flytja Metallica-slagarann Fight Fire With Fire á sinn einstaka hátt og er greinilegt að tónleikagestir eiga gott í vændum.