Endurkoma Culture Club

Hljómsveitin Culture Club, sem gerði það gott á níunda áratugnum, ætlar að koma saman aftur á næsta ári í tilefni 30 ára afmælis síns. Ný plata er fyrirhuguð og tónleikaferð um heiminn.

„Við ætlum að koma aftur saman," staðfesti söngvarinn Boy George, sem heitir réttu nafni George O´Dowd. Hann gefur á næstunni út sólóplötu en lítur á hana sem upphitun fyrir endurkomu Culture Club.

Hljómsveitin ætlaði í tónleikaferð árið 2006 en George neitaði að ganga til liðs við félaga sína og ekkert varð úr ferðinni. Á meðal vinsælustu laga Culture Club eru Do You Really Want to Hurt Me og Karma Chameleon.