Losaði sig við silíkonið

Sharon Osbourne hefur verið fjarverandi frá sjónvarpsþætti sínum The Talk undanfarið en ástæðan er sú að hún var að láta fjarlægja silíkon úr brjóstunum sínum. Osbourne sagði þegar hún kom til baka í þáttinn að hún hefði vaknað einn daginn með annað brjóstið miklu stærra en hitt. „Ég hugsaði, þetta er ekki eðlilegt,“ sagði Osbourne en þá hafði silíkonið runnið úr öðru brjóstinu niður í maga og þurfti hún að gangast undir aðgerð.

Osbourne er mjög ánægð að vera laus við silíkonið og segir það góða tilfinningu að finnast ekki lengur eins og hún sé með vatnsrúm á bringunni.