Houellebecq til Íslands

Franski rithöfundurinn Michel Houellebecq verður einn af gestum Listahátíðar í Reykjavík í vor. Tilefni komu hans er hundrað ára afmæli Alliance française á Íslandi.

Houellebecq er einn vinsælasti höfundur Frakklands og sá samtímahöfundur sem þýddur hefur verið á flest tungumál. Hann er jafnframt enn umdeildasti rithöfundur Frakklands. Houellebecq er sá höfundur sem er langmest þýddur, Tvær bækur hans, Öreindirnar og Áform, hafa komið út í íslenskri þýðingu Friðriks Rafnssonar.

Nýjasta skáldsaga hans Kortið og landsvæðið kom út september í fyrra. Hún fjallar um myndlistarmann sem notar ljósmyndir í verkin sín og veltir fyrir sér spurningunni: hvort er áhugaverðara, raunveruleikinn eða úrvinnsla hans? Bókin hlaut einróma lof og fyrir hana hlaut höfundurinn virtustu bókmenntaverðlaun Frakka, Prix Goncourt. Ráðgert er að Houellebecq haldi erindi í Norræna húsinu í lok maí.