Natalie Portman á von á strák

Natalie Portman sem gengur með sitt fyrsta barn undir belti hefur sagt vinum að hún eigi von á strák. Hún og unnusti hennar, Benjamin Millepied, eru spennt að eignast frumburðinn en þau kynntust við gerð myndarinnar The Black Swan.

„Þau eru einungis búin að segja nánustu fjölskyldumeðlimum og vinum að þau eiga von á strák," segir vinur parsins. „Þau eru svo spennt, Benjamin getur ekki beðið eftir því að verða pabbi."

Natalie sagði við fjölmiðla fyrir nokkrum vikum að hún væri heppin að vera ólétt. „Ég er svo spennt. Pabbi er frjósemislæknir, þannig ég veit að ég er heppin að geta upplifað þetta og ekki taka þessu sem sjálfsögðum hlut."