Verður pabbi í fyrsta sinn

Gamanleikarinn Owen Wilson á von á sínu fyrsta barni innan skamms með kærustu sinni, Jade Duell. Fréttirnar koma nokkuð á óvart því fáir vissu af því að Wilson væri í sambúð.

Samkvæmt heimildarmönnum er Wilson spenntur fyrir að takast á við föðurhlutverkið og hefur verið duglegur að lesa sér til um allt sem viðkemur fæðingu barns. „Hann hefur lagst í mikla heimavinnu og vill vera vel undirbúinn. Hann er mjög spenntur og hefur verið duglegur að spyrja spurninga,“ sagði heimildarmaðurinn.

Leikarinn hefur áður verið orðaður við konur á borð við leikkonuna Kate Hudson og söngkonuna Sheryl Crow. Hann hefur þó haldið sig nokkuð fjarri sviðsljósinu undanfarna mánuði.