Besta skeitárið á Íslandi

First Try Fail Mondays eru vikulegir hjólabrettaþættir úr smiðju plötusnúðsins Adda Intro. Addi tekur hús á fremstu hjólabrettamönnum landsins og leggur fyrir þá þrautir sem þeir verða að klára. Addi byrjaði á þessu síðasta vetur og hefur sýnt þættina sína hér á Vísi í allt sumar við góðar undirtektir.

Í tilefni þess að komið er að fertugasta þætti First Try Fail Mondays spreytir Addi sig sjálfur að þessu sinni. Eins og alltaf er lögð fyrir hann þraut sem hann verður að klára og gengur það þrusuvel.

Í myndbandinu fer Addi síðan yfir skeitárið sem hann segir vera það besta síðan hann byrjaði sjálfur að renna sér. Mikil framför hafi orðið meðal hjólabrettakappa og er það ekki síst vegna þess hversu margir færir ungir strákar renna sér stíft. Þá hafi opnun Hörpunnar og svæðið í kringum hana verið ákveðin bylting fyrir hjólabrettaiðkendur í miðbænum.

Kíkið á fleiri First Try Fail Mondays þætti undir Lífinu á Vísir Sjónvarp.