Lífið

Gerir nýtt hjólabrettamyndband vikulega

Plötusnúðurinn Addi Intro, eða Introbeats, hefur verið áberandi í íslenskri hip hop tónlist í fjöldamörg ár, meðal annars með hljómsveitinni Forgotten Lores.



Addi hefur einnig stundað hjólabretti í fjöldamörg ár og er öllum hnútum kunnugur í íslenskri hjólabrettamenningu. Í vetur byrjaði hann að gera vikuleg myndbönd sem hann kallar First Try Fail Mondays. Þar tekur hann hús á fremstu hjólabrettamönnum landsins og setur verkefni fyrir þá sem þeir verða að leysa á staðnum.



„Í nokkur ár hafa verið gerð myndbönd sem kallast First Try Fridays þar sem atvinnumenn á hjólabrettum sýna listir sínar. Þau eru tekin upp á föstudögum og oftar en ekki negla þessir gaurar allt í fyrstu tilraun. Þeir sem ég fæ til mín eru auðvitað ekki atvinnumenn og þetta tekst sjaldnast í fyrstu tilraun. Auk þess tökum við upp á mánudögum. Þess vegna köllum við þetta First Try Fail Mondays," segir Addi.



Addi sýnir myndböndin sín meðal annars hér á Vísi. Í hverri viku kemur nýtt myndband sem hægt er að nálgast flokknum Lífið á Vísir Sjónvarp. Hér fyrir ofan er fyrsta myndbandið sem hann sendir okkur en þar fær hann Ómar Svan í heimsókn til sín. Einnig er hægt að skoða myndböndin á Vimeo-síðu Introbeats.



Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.