Madison Square Garden lokað fyrir einkatíma Justin Bieber

Sjónvarpsþátturinn Entertainment Tonight veit hvernig á að ná athygli áhorfenda sinna.

Þegar hjartaknúsarinn Justin Bieber bókaði sig í viðtal hjá þættinum var ákveðið að gera eitthvað óvænt. Framleiðendurnir lögðu höfuðið því í bleyti og tóku til athugunar þá þúsundir aðdáenda kappans sem þurfti að forðast en þeir reyna að komast að öllum ferðum hans.

Brugðið var því á það ráð að leigja Madison Square Garden-íþróttahöllina í New York þar sem Bieber er mikill áhugamaður um körfubolta. Hann fékk síðan að sprikla milli karfanna áður en hann settist niður og spjallaði við ET.

Hægt er að horfa á viðtalið hér fyrir ofan.