Hudson ólétt

Tímaritið US Weekly heldur því fram að leikkonan Kate Hudson sé ólétt eftir kærastann sinn Matthew Bellamy, forsprakka hljómsveitarinnar Muse.

Samkvæmt heimildarmanni blaðsins er Hudson komin fjórtán vikur á leið og er parið afskaplega ánægt með fréttirnar.

„Þetta kom þeim á óvart en þau eru mjög spennt og taka fréttunum opnum örmum. Kate er líka afskaplega ánægð með að sonur hennar, Ryder, eignist bráðum systkini,“ sagði heimildarmaðurinn. Hudson á fyrir hinn sjö ára gamla Ryder með fyrrverandi eiginmanni sínum, söngvaranum Chris Robinson.