Flottar stjörnur á kvikmyndahátíðinni í London

Það hefur verið mikið um að vera í London síðustu dagana en þar fór fram kvikmyndahátíðin 55th BFI London Film Festival í síðustu viku. Stærstu nöfnin í kvikmyndabransanum flykktust til borgarinnar en myndin We Need to Talk about Kevin í leikstjórn Lynne Ramsay var valin besta myndin þetta árið.

Breskar stórstjörnur á borð við Jude Law, Daniel Craig og Madonnu, sem nú kallar London sína heimaborg, létu sig ekki vanta á rauða dregilinn og skörtuðu sínu fegursta. George Clooney mætti einnig til London ásamt nýju kærustunni Stacy Kiebler sem var í glæsilegum fölbleikum síðkjól.