Seinfeldstjarna látin

Len Lesser, betur þekktur sem Leó frændi eða Uncle Leo, úr sjónvarpsþáttunum Seinfeld lést í morgun úr lungabólgu 88 ára að aldri.

Hann lést í svefni og segir dóttir hans að fjölskyldan hafi vonast eftir hann fengi að kveðja heiminn á sársaukalausann hátt. „Hann var frábær afi og frábær faðir. Hann hafði hjarta úr gulli og mikinn húmor."

Lesser er þekktastur fyrir hlutverk sitt í sjónvarpsþáttunum Seinfeld en hann lék yfir í 500 kvikmyndum og sjónvarpsþáttum. Á meðal þeirra þátta sem hann lék í eru Everybody Loves Raymond, ER og The Monkees.

Í meðfylgjandi myndskeiði er hægt að sjá Lesser í senu í þættinum Seinfeld.