Mikið fjör á fjölskyldudegi 365

Fjölskyldudagur 365 var haldinn með pompi og prakt síðastliðinn þriðjudag, 15. febrúar. Skemmtileg dagskrá var þá fyrir börn starfsmanna fyrirtækisins.

Haldnar voru fjölmiðlasmiðjur þar sem börnin spreyttu sig sem fjölmiðlamenn í útvarpi, prentmiðlum og sjónvarpi.

Þau hittu einnig margar af stjörnum fyrirtæksisins og fóru í skemmtilegan ratleik um húsnæði 365. Ratleikurinn leiddi þau um fréttastofur og ritstjórnir, á útvarpsstöðvar, í myndver og hingað og þangað um fyrirtækið. Á hverjum stað var börnunum tekið með virktum og þau fengu góða innsýn í starfsemina og hvernig vinnslan á bak við alla miðlana gengur fyrir sig.

Í lok dags fengu allir sér síðan pulsu og voru að lokum leystir út með skemmtilegum gjöfum.

Ljósmyndarinn Valgarður Gíslason fékk að fylgjast með krökkunum á fjölskyldudeginum og tók hann margar flottar myndir. Kíkið endilega á þær í meðfylgjandi myndasafni hér fyrir neðan.