Booka Shade á aðdáendahátíð EVE

Dansdúettinn Booka Shade kemur fram á árlegri aðdáendahátíð CCP í Laugardalshöll 26. mars. Hátíðin hefur verið haldin frá árinu 2002, en hana sækja hundruð erlendra spilara tölvuleiksins EVE Online, blaðamanna og fólks sem starfar í skapandi iðnaði víða um heim.

Booka Shade kom fyrst fram á Íslandi árið 2007. Síðan þá hefur hljómsveitin ferðast með Depeche Mode og unnið með listamönnum á borð við Moby, Will.I.Am, The Knife, Hot Chip og Roxy Music.

Aðdáendahátíðin hefst 24. mars og endar á tónleikunum þann 26. FM Belfast hitar upp fyrir Booka Shade og miðasala hefst á morgun.

Hér fyrir ofan má sjá myndbandið við lagið Regenerate af nýjustu plötu sveitarinnar, More!.