Bieber á sjúkrahús

Popparinn Justin Bieber þurfti að fara á sjúkrahús á dögunum vegna öndunarerfiðleika. Um ofnæmisviðbrögð var að ræða sem komu upp þegar hann var í gestahlutverki í sjónvarpsþáttunum CSI. Ungstirnið var útskrifað af sjúkrahúsinu fimmtíu mínútum síðar.

„Hann hefur það gott. Hann fékk smá ofnæmiskast þegar tökum var að ljúka á CSI. Læknarnir skoðuðu hann á sjúkrahúsinu til að fullvissa sig um að allt væri í lagi,“ sagði fulltrúi popparans. Stutt er síðan Bieber sagði í viðtali að þrátt fyrir að vera slappur ætti hann erfitt með að taka sér frí frá vinnu vegna skuldbindinga sinna.