Þú & ég með jólalag

Dúettinn Þú & ég, sem þau Helga Möller og Jóhann Helgason skipa, hefur gefið út nýtt jólalag sem nefnist Ljós út um allt. Lagið er eftir Gunnar Þórðarson og textinn eftir Þorstein Eggertsson. Þetta er í fyrsta sinn síðan 1980 sem Þú & ég gefur út jólalag, en þá kom út Í hátíðarskapi sem hefur notið mikilla vinsælda. Lagið verður spilað á árlegum jólatónleikum Helgu Möller í Laugarneskirkju sem verða haldnir 8. og 15. desember. Þar koma fram góðir gestir, þau Ragnar Bjarnason, Gunnar Þórðarson, Ómar Ragnarsson, Elísabet Ormslev og Þú & ég. Magnús Kjartansson, Björn Thoroddsen, Einar Valur Scheving og Jón Rafnsson sjá um undirleik.