Snúa baki við einkavæðingu

Yfir eitt hundrað orkufyrirtæki í Þýskalandi, sem áður höfðu verið einkavædd, hafa verið keypt til baka til hins opinbera. Þá hafa verið stofnuð 44 ný opinber orkufyrirtæki frá árinu 2007, eins og kemur fram í grein á heimasíðu Evrópusamtaka stéttarfélaga á opinberum vinnumarkaði (EPSU).

Fram til 2016 mun þurfa að endurnýja næstum alla samninga þýskra sveitarfélaga um orkukaup og tvö sveitarfélög af hverjum þremur hyggjast nýta þau tímamót til þess að kaupa það til baka sem áður hafði verið einkavætt.

Orkuverð í Þýskalandi hefur hækkað umtalsvert á undanförnum árum. Þannig hafa mótmæli almennings leitt til þess að hætt hefur verið við einkavæðingaráform.- shá