Mamma ósátt við J-Lo

Bradley Cooper er sagður vera að slá sér upp með hinni nýfráskildu Jennifer Lopez. Móðir Coopers er sögð ósátt við ráðahaginn og mun hafa beðið son sinn um að taka hlutunum með ró.

Að sögn heimildarmanna var frú Cooper mjög hrifin af fyrrverandi kærustu sonar síns, leikkonunni Renee Zellweger, og saknar hennar sárt.

„Henni finnst Jennifer allt of mikil díva fyrir son sinn. Hún hefur beðið Bradley um taka hlutunum með ró, í það minnsta þar til skilnaður Jennifer við Marc Anthony er frágenginn,“ hafði In Touch eftir fjölskylduvini, sem heldur því einnig fram að Cooper taki mikið mark á skoðunum móður sinnar.