Demi Moore hélt líka framhjá

Mikið hefur verið fjallað um hjónaband Ashtons Kutcher og Demi Moore allt frá því að Sara Leal steig fram og viðurkenndi að hafa eytt einni nótt með Kutcher. Nú virðist sem svo að Moore hafi einnig haldið framhjá Kutcher, og þá með leikaranum Ben Hollingsworth.

Moore og Hollingsworth kynntust eftir að hann flutti frá föðurlandi sínu, Kanada, til Los Angeles. „Hún bauðst til að aðstoða hann við leikferil sinn og hann þáði það með þökkum enda fátækur leikari. Vinátta þeirra þróaðist svo fljótlega í nokkuð annað og meira. Hann ákvað þó að slíta sambandinu eftir að hann fór að kynnast Ashton betur því hann var þjakaður af samviskubiti,“ hafði tímaritið In Touch eftir heimildarmanni.