Flottur í tauinu

Fjöldi stórstjarna hefur tekið þátt í mótmælunum í New York sem nefnast Occupy Wall Street. Þar er meðal annars verið að mótmæla græðgi og siðleysi stórfyrirtækja.

Rapparinn Kanye West var á meðal mótmælenda en munurinn á honum og öðrum mótmælendum var að hann klæddist fatnaði að andvirði 3,5 milljóna. West klæddist meðal annars skyrtu frá tískuhúsinu Givenchy, stuttermabol frá hönnuðinum Alexander Wang og gallabuxur frá Ballmain sem kosta um 100 þúsund krónur auk skartgripa. Þótti sumum þetta ekki við hæfi.