Fær sjónvarpsþátt

Weston Cage, sonur leikarans Nicolas Cage, hefur fengið sinn eigin raunveruleikaþátt ásamt móður sinni, Christinu Fulton. Sjónvarpsþátturinn hefur hlotið hið frumlega nafn Uncaged.

Weston Cage hefur verið nokkuð í fréttum undanfarna mánuði vegna drykkjuláta og var tvisvar handtekinn vegna líkamsárása. Cage hefur verið í áfengismeðferð frá því í júlí á þessu ári. „Christina hefur líkt þáttunum við nútíma útgáfu af Adams-fjölskyldunni á meðan Weston þráir ekkert annað en að sýna umheiminum að hann sé heill á geði,“ hafði tímaritið Star eftir heimildarmanni.