Hugsar um Myspace

Söngvarinn og leikarinn Justin Timberlake ætlar að nota fríið sitt það sem eftir er ársins til að finna leiðir til að hressa upp á Myspace-síðuna. Timberlake á hlut í síðunni og hefur mikinn hug á því að auka vinsældir hennar. „Það er ekkert fram undan hjá mér annað en að hugsa um ýmislegt í tengslum við Myspace. Ég þarf ekki að vera á staðnum því ég get fengið hugmyndir á golfvellinum eða snjóbrettinu,“ sagði Timberlake. Myspace var vinsælasta samskiptasíðan á netinu til ársins 2006 þegar Facebook brunaði fram úr henni.