Írar heiðra Courtney Love

Rokkpían Courtney Love, söngkona hljómsveitarinnar Hole, var á dögunum heiðruð af heimspekideild Trinity-háskólans í Dublin. Love fékk sérstaka orðu og flutti ræðu við hátíðlega athöfn í skólanum en sjá má upphaf hennar hér með fréttinni. Þá gaf hún sér tíma til að spjalla við nemendur skólans.

Love samdi nýlega við útgáfufyrirtækið William Morrow um að skrifa ævisögu sína. Í bókinni hyggst hún leggja spilin á borðið í sambandi við hjónaband þeirra Kurts Cobain, sem lést árið 1994. Þá hyggst hún fara yfir tónlistarferilinn, sambönd sín við frægt fólk og dóttur sína, Frances Bean. Bókin er væntanleg seinna á þessu ári.