Scarlett of kynæsandi

Scarlett Johansson var ekki ráðin í hlutverk Lisbeth Salander í bandarískri endurútgáfu Karlar sem hata konur vegna þess að hún þótti of kynþokkafull. Johansson fór í prufur vegna myndarinnar og stóð sig mjög vel að mati leikstjórans Davids Finchers.

Engu að síður óttaðist hann að kynþokki hennar myndi draga athyglina frá söguþræðinum. „Málið með Scarlett er að þú getur ekki beðið eftir því að hún fari úr fötunum,“ sagði Fincher í viðtali við tímaritið Vogue. Það var Rooney Mara sem á endanum hreppti hið eftirsótta hlutverk Salander.