Hitti lifandi goðsögn

Jennifer Aniston viðurkennir að henni hafi þótt sérlega eftirminnilegt þegar hún hitti Sophiu Loren eitt sinn á Óskarsverðlaunahátíðinni.

Leikkonan segist nokkur atvik eiga seint eftir að líða henni úr minni og nefnir í því samhengi samtalið við Loren. „Eftirminnilegast þykir mér að hafa hitt Sophiu Loren baksviðs á Óskarnum. Það var einstakt augnablik. Ég var svolítið eins og Cindy Brady úr Brady Bunch þættinum þegar hún var þátttakandi í spurningaleik í sjónvarpi og það eina sem hún gerði var að stara á rauða ljósið,“ rifjar Aniston upp.